Pune Fire: कुठं झाडं, तर कुठं गॅलरीच जळाली, ऐन दिवाळीत पुण्यात अग्नितांडव, 3 दिवसांत 68 घटना

अग्निशामक दलाच्या आकडेवारीनुसार, 21 ऑक्टोबर रोजी म्हणजे लक्ष्मीपूजनाच्या दिवशी सर्वाधिक 42 ठिकाणी आग लागण्याच्या घटना घडल्या. 22 ऑक्टोबर म्हणजेच पाडव्याच्या दिवशी 23 ठिकाणी आग लागली. तर भाऊबीज दिवशी तीन ठिकाणी आगीची घटना घडली. फटाक्यांची आतषबाजी करत असताना मोठ्या फटाक्यांच्या ठिणग्या या आकाशकंदील, कचरा किंवा घराच्या बंद गॅलरीत ठेवलेल्या वस्तूंवर पडल्याने आगीच्या घटना घडल्याचे समोर आले आहे. मुळे लागल्याचे समोर आले आहे.

दरम्यान, पुण्यातील धानोरी, हडपसर, कोंढवा, काळेपडळ, नवले, औंध, सिंहगड रोड, विश्रांतवाडी या भागात देखील लहान-मोठ्या आगीच्या घटना घडल्या. तिन्ही दिवस अग्निशमन पथक सतर्क होते. त्यामुळे माहिती मिळताच अग्निशमन दल तातडीने पाचारण करण्यात आले, सुदैवाने कोणतीही जीवितहानी झाली नाही, असे अग्निशमन अधिकाऱ्यांनी सांगितले.