Pune Airport : मुंबईला जाण्याची कटकट संपली; पुणे विमानतळावरुन आता 'या' दोन देशामध्ये करता येणार प्रवास

या वेळापत्रकानुसार पुण्यातून बँकॉकसाठी एअर इंडिया एक्सप्रेस आणि इंडिगो या विमान कंपन्यांच्या उड्डाणांची सुविधा उपलब्ध असेल. एअर इंडिया एक्सप्रेसचे बँकॉकसाठी रोजचे उड्डाण असेल तर इंडिगोची उड्डाणे आठवड्यातून तीन दिवस म्हणजे बुधवार, शुक्रवार आणि रविवार या दिवशी चालतील. दुबईसाठी स्पाइसजेट आणि इंडिगो या दोन्ही विमान कंपन्या दररोज उड्डाणे चालवतील. त्यामुळे परदेश प्रवास करणाऱ्या पुणेकरांना आता थेट आणि अधिक पर्याय उपलब्ध होणार आहेत.

देशांतर्गत उड्डाणांच्या बाबतीत पुणे विमानतळावरून प्रवाशांना देशातील 34 शहरांमध्ये थेट जाता येईल. यामध्ये दिल्ली, मुंबई, बंगलुरू, चेन्नई, हैदराबाद, कोलकाता, गोवा, अहमदाबाद, जयपूर, चंदीगड, इंदूर, नागपूर, वडोदरा, अमृतसर, भोपाळ, भुवनेश्वर, रांची, गुवाहाटी, कोची, कोयंबतूर, डेहराडून, राजकोट, हुबळी, जळगाव, किशनगड, सुरत, सिंधुदुर्ग, वाराणसी, तिरुवनंतपुरम आणि मोपा या प्रमुख ठिकाणांचा समावेश आहे.