Special Train: इंडिगो संकटादरम्यान पुण्यातील प्रवाशांना रेल्वेकडून दिलासा; आज या 3 शहरांसाठी विशेष गाड्या, पाहा वेळापत्रक

पुणे : इंडिगो एअरलाईन्सच्या कोलमडलेल्या विमानसेवेमुळे पुण्यात प्रवाशांमध्ये मोठा गोंधळ निर्माण झाला आहे. त्यामुळे रेल्वे प्रशासनाने प्रवाशांना मोठा दिलासा दिला आहे. विमाने रद्द झाल्याने प्रवाशांचे हाल होत असून, याचा गैरफायदा घेत इतर विमान कंपन्यांनी तिकीट दरात मोठी वाढ केली आहे. अशा परिस्थितीत प्रवाशांना सुरक्षित आणि परवडणारा पर्याय उपलब्ध करून देण्यासाठी पुणे रेल्वे विभागाने विमानतळावर विशेष 'रेल्वे मदत कक्ष' कार्यान्वित केला आहे.