Special Report : पुण्याने अनुभवला 32 वर्षातील भयानक पाऊस, पुणेकरांनी जे सोसलं ते त्यांच्यासाठीही अनपेक्षित, VIDEO

पुणे : पुण्यात काल जे घडले, ती परिस्थिती मन हेलावणारी होती. मुसळधार पावसामुळे कुणाच्या घरात पाणी गेले, तर कुणाच्या अन्नधान्याचे नुकसान झाले. तर काही ठिकाणी जनजीवन विस्कळीत झाले. पुणेकरांनी जे सोसलं ते कदाचित त्यांच्यासाठीही अनपेक्षितच असावं.

पुण्यातील पूर-परिस्थितीमुळे काही नागरिकांना आहे तशा अवस्थेत आपलं घर सोडावं लागलं. तर काहींना घरात शिरलेल्या गुडघ्याभर पाण्यातच राहावं लागलं. लहान मुलांपासून ते वयोवृद्धांपर्यंत सगळ्यांचे प्रचंड हाल झाले. ज्यांना आपली घरं सोडावी लागली त्यांच्या मनात घराच्या आठवणीने काय काहुर माजले असेल, याची कल्पनाही करता येणार नाही.