Pune Crime: आधी काठीने सपासप वार; मग डोक्यात दगड घालून जागीच संपवलं; पुण्यात पतीकडून पत्नीची निर्घृण हत्या, कारण धक्कादायक

मयत महिलेचं नाव कुसुम वसंत पवार (वय ३२) असून, आरोपी पती दत्ता काळुराम जगताप (वय ३०, रा. बेबडओहळ) याला अटक करण्यात आली आहे. मिळालेल्या माहितीनुसार, कुसुम यांच्या पहिल्या पतीच्या निधनानंतर त्या दत्तासोबत पत्नी म्हणून राहत होत्या. हे दोघंही भंगार जमा करणं आणि मासेमारी करून आपला उदरनिर्वाह करत होते. शनिवारी (१७ जानेवारी) जमा केलेल्या भंगाराच्या पैशांच्या हिशोबावरून दोघांमध्ये कडाक्याचं भांडण झालं.