बॅगेत चार लाखांचे दागिने घेऊन रिक्षाने प्रवास; स्वारगेटवर उतरताच ते दृश्य पाहून सरकली महिलेच्या पायाखालची जमीन

पुणे : पुणे शहरात चोरीच्या घटनांमध्ये दिवसेंदिवस वाढ होताना दिसत आहे. अशातच आता चोरीची आणखी एक घटना समोर आली आहे. यामुळे रिक्षाने प्रवास करताना प्रवाशांनी सावध राहण्याची गरज पुन्हा एकदा अधोरेखित झाली आहे. बारामती येथील एक ५५ वर्षीय महिला १७ डिसेंबर रोजी आपल्या पतीसोबत वैयक्तिक कामासाठी पुण्यात आल्या होत्या. संध्याकाळी साडेसातच्या सुमारास त्यांनी शिवाजीनगर येथून स्वारगेट एसटी स्थानकाकडे जाण्यासाठी रिक्षा पकडली. आपल्याकडील मौल्यवान दागिने सुरक्षित राहावेत म्हणून त्यांनी ते एका डब्यात घालून पिशवीच्या आत ठेवले होते.