Pune Cyber Fraud: पुणेकरांनो गाडीचं ई-चालान भरताना सावधान; ही चूक करू नका, एका मिनिटात 5 लाखांचा गंडा

सिंहगड रोडवरील आनंदनगर येथे राहणाऱ्या एका ४२ वर्षीय व्यक्तीला सायबर भामट्यांनी आपल्या जाळ्यात ओढलं. "आम्ही मुंबई आरटीओ कार्यालयातून बोलत आहोत, तुमच्या गाडीवर मोठं ऑनलाइन चलन (दंड) प्रलंबित आहे," अशी बतावणी चोरट्यांनी केली.

दुसरी घटना पाषाणमधील आर्मामेंट इस्टेट परिसरात घडली आहे. येथील एका रहिवाशाच्या मोबाइलवर १६ डिसेंबर रोजी एक अज्ञात लिंक आली होती. काहीही विचार न करता तक्रारदाराने त्या लिंकवर क्लिक केलं. लिंक ओपन होताच त्यांच्या बँक खात्याचा ताबा चोरट्यांकडे गेला आणि काही वेळातच खात्यातून ३ लाख ८३ हजार ८२२ रुपये डेबिट झाले. या धक्कादायक प्रकारानंतर चतु:शृंगी पोलीस ठाण्यात गुन्हा दाखल करण्यात आला आहे. वरिष्ठ पोलीस निरीक्षक भजनावळे यांच्या मार्गदर्शनाखाली या प्रकरणाचा तपास सुरू आहे.

आरटीओ कॉल: आरटीओ किंवा पोलीस कधीही फोन करून दंड भरण्यासाठी वैयक्तिक बँक खात्यात पैसे मागत नाहीत. अधिकृत सरकारी वेबसाइटवरच (Mparivahan) दंडाची खात्री करा.