'पहिल्या ॲनिवर्सरीला माझ्याकडे ये'; पुण्यातील डॉक्टर पतीची कोर्टात धाव, पण पुढं भलतंच घडलं

पुणे: मोठ्या थाटामाटात विवाह झालेल्या एका पती-पत्नीच्या नात्यात कटुता निर्माण झाली. यामुळे लग्नानंतर अवघ्या तीन महिन्यांत पत्नी माहेरी निघून गेली. पतीने आपल्या पहिल्या ॲनिवर्सरीला पत्नीने परत यावं, यासाठी थेट कोर्टात धाव घेतली. मात्र, त्याने केलेला अर्ज कौटुंबिक न्यायालयातील समुपदेशनानंतर परस्पर संमतीने घटस्फोटाच्या अर्जात बदलला. विशेष म्हणजे, न्यायालयाने या जोडप्याची मानसिकता आणि परिस्थितीची संवेदनशीलता लक्षात घेऊन, घटस्फोटासाठी असलेला सहा महिन्यांचा अनिवार्य प्रतीक्षा कालावधीही माफ केला. कोर्टाने त्यांच्या नात्याला तातडीने अधिकृत पूर्णविराम दिला.