चुकीला माफी नाही! सूनेसोबतचं ‘ते’ वागणं भोवलं, पुणेकर सासू-सासऱ्यांना अद्दल

पुणे: शेअर मार्केटमध्ये दोन कोटींचं कर्ज झाल्यानंतर माहेराहून पैसे आणण्यासाठी सुनेवर दबाव टाकण्याचा प्रकार पुण्यात घडला. आता सुनेचा शारीरिक आणि मानसिक छळ करणं सासू-सासऱ्यांना चांगलंच महागात पडलं आहे. या प्रकरणात पती, सासू, सासरे व नणंदेविरोधात लोहगाव पोलीस ठाण्यात गुन्हा दाखल आहे. आता पुणे येथील विशेष न्यायाधीश एस. एस. सस्ते यांनी आरोपांची गंभीर दखल घेत सासू-सासऱ्यांचा जामीन अर्ज फेटाळला.