Pune Ganpati : पुण्यातील मानाच्या पाच गणपतींना मान मिळणार? विसर्जन मिरवणुकीचा वाद पेटला, पोलीस आयुक्तांच्या बैठकीत काय ठरलं?

Pune News : पुण्यातील लांबलचक गणपती विसर्जन मिरवणुकीवरून पेटलेला वाद आता मिटण्याची शक्यता आहे. आम्हाला 36 तासहून अधिक वेळ रांगेत थांबावं लागतं, असं म्हणत पुण्यातील अनेक मंडळांनी मानाच्या पाच गणपतींच्या मिरवणुकीच्या आधी आपली मिरवणूक काढून गणपती विसर्जन करण्याचा निर्णय घेतला होता. त्यामुळे मोठा वाद पेटला. मानाच्या गणपतीआधी विसर्जन करणं योग्य नसल्याने आता पुण्यातील मंडळांच्या वर्तुळात नाराजीचं वातावरण असल्याचं पहायला मिळालं होतं. अशातच आता काल पुण्याच्या पोलीस आयुक्तांनी महत्त्वाची बैठक घेतली तर आज केंद्रीय राज्यमंत्री आणि पुण्याचे खासदार मुरलीधर मोहोळ बैठक घेणार आहेत.