Hinjewadi Accident: 'आईसोबत गणपती आणायला गेली', हिंजवडीत मिक्सर ट्रकच्या धडकेत 11 वर्षीय मुलीचा मृत्यू; CCTV समोर

पिंपरी-चिंचवड: गेल्या काही वर्षांपासून आय टी नगरी हिंजवडी आणि आसपासच्या परिसरात अवजड वाहने बेदरकारपणे चालवल्यामुळे अनेक जीवांचे बळी गेले आहेत. वाहनचालकांच्या बेजबाबदारपणामुळे अवघ्या एका महिन्यात तीन जणांचा बळी गेला आहे. दरम्यान काही दिवसांपूर्वी एका धक्कादायक अपघातात अकरा वर्षीय प्रत्युषा संतोष बोराटे हिने जीव गमावला. या प्रकरणी आता हिंजवडी पोलिसांनी ट्रक मिक्सर चालकासह त्याच्या मालकावरही गुन्हा दाखल केला आहे. पोलिसांनी मिक्सर ट्रक चालक फरहान मुन्नू शेख, मालक - प्रदीप मारुती साठे आणि सुपरवायझर प्रसाद मंडलिक यांच्यावर सदोष मनुष्य वधाचा गुन्हा दाखल केला आहे. हिंजवडी परिसरात या अवजड वाहनांमुळे होणारे अपघात याला आळा घालण्यासाठी आता पोलिसांनी कारवाईला सुरुवात केली आहे.