सोशल मीडियाचा वापर अन् कांड; पुण्यातील 16 वर्षीय मुलीची अवस्था पाहून पालकांनी डॉक्टरकडे नेलं, तपासणी करताच सरकली पायाखालची जमीन

पुणे : सोशल मीडियावर आजकाल तरुण -तरुणींची अगदी सहज ओळख होते. मैत्री होते आणि अनेकदा या मैत्रीचं रुपांतर प्रेमातही होतं. मात्र, अशा अनोळखी व्यक्तींवर लगेचच विश्वास ठेवणं अतिशय घातक ठरू शकतं. याचाच प्रत्यय देणारी एक घटना आता समोर आली आहे.ओळखीचा फायदा घेऊन अल्पवयीन मुलींचे आयुष्य उद्ध्वस्त करणाऱ्या नराधमांची संख्या पुण्यात वाढताना दिसत आहे. सहकारनगर परिसरात एका २३ वर्षीय तरुणाने 'घरातील कुत्रा दाखवतो' असे आमिष दाखवून एका १६ वर्षीय मुलीला आपल्या घरी बोलावले. यानंतर तिच्यासोबत शारीरिक संबंध प्रस्थापित केले. धक्कादायक बाब म्हणजे, या अत्याचारामुळे पीडित मुलगी गर्भवती राहिल्यावर हे प्रकरण उघडकीस आलं आहे.