Pune News: पालकांनो सावधान! पतंग उडवायला गेला अन् जीव गमावला; पुण्यातील 12 वर्षांच्या श्लोकसोबत भयंकर घडलं

मिळालेल्या माहितीनुसार, गुरुवारी (८ जानेवारी) सायंकाळी शाळा सुटल्यानंतर श्लोक घराशेजारीच सुरू असलेल्या एका गृहप्रकल्पाच्या इमारतीमध्ये पतंग उडवण्यासाठी गेला होता. ही इमारत सहा मजली असून तिचे बांधकाम अद्याप पूर्ण झालेले नव्हते. पतंग उडवण्याच्या नादात श्लोकचा तोल गेला आणि तो थेट सहाव्या मजल्यावरून खाली कोसळला. उंचावरून पडल्याने त्याला गंभीर दुखापत झाली आणि त्यातच त्याचा मृत्यू झाला.