Pune News : शाळेतून घरी आला,कपडे बदलून खेळायला गेला, नंतर शेतात... कुटुंबियांनी हंबरडा फोडला

Pune News : सचिन तोडकर, प्रतिनीधी,शिरूर/पुणे : पुणे जिल्ह्यातील शिरुर तालुक्यातून एक धक्कादायक घटना समोर आली आहे.या घटनेत सहावीत शिकणाऱ्या एका मुलाचा संशयास्पद मृत्यू झाल्याची धक्कादायक घटना समोर आली आहे. खरं तर हा मुलगा शाळेतू घरी आला त्यानंतर कपडे बदलून खेळायला गेला होता.त्यानंतर अचानक त्याचा मृतदेह शेतात सापडला होता. साई मांजरे असे या मृत मुलाचे नाव आहे.शिरूर तालुक्यातील दहिवडी गावातील मांजरे वस्तीत ही घटना घडली आहे. सदर मृत्यू हा हत्या आहे की घातपात, याबाबत अद्याप स्पष्टता झालेली नसून परिसरात भीतीचे वातावरण निर्माण झाले आहे. या घटनेने ग्रामस्थ प्रचंड आक्रामक झाले आहेत.