भारतात दहशतवादी कट! अमेरिकेच्या नागरिकाला अटक, सोबत होते 6 युक्रेनियन; NIAची विमानतळावर मोठी कारवाई

अमेरिकन नागरिकाची ओळख मॅथ्यू अॅरन व्हॅनडाइक अशी झाली आहे. तो स्वतःला सुरक्षा विश्लेषक, युद्ध वार्ताहर आणि माहितीपट निर्माता असल्याचे सांगतो. त्याने 2011 च्या लिबियन यादवी युद्धादरम्यान बंडखोर लढाऊ सैनिकांच्या बाजूने सहभाग घेतला होता आणि त्या काळात तुरुंगवासही भोगावा लागला होता.

अटक करण्यात आलेल्या सहा युक्रेनियन नागरिकांची नावे पुढीलप्रमाणे.

NIA ने 13 मार्च रोजी नोंदवलेल्या FIR नुसार, किमान 14 युक्रेनियन नागरिकांनी स्वतंत्रपणे भारतात प्रवेश केला. हे सर्व जण वैध व्हिसावर भारतात आले होते. भारतात आल्यानंतर हे सर्व जण गुवाहाटीला गेले.

तिन्ही ठिकाणी 13 मार्च रोजी एकाच दिवशी अटका करण्यात आल्या.

बेकायदेशीर प्रवेश आणि Restricted Area Permit चे उल्लंघन अधिकाऱ्यांनी सांगितले की हे सर्व जण वैध व्हिसावर भारतात आले असले तरी त्यांनी मिझोराममध्ये प्रवेश करताना अनिवार्य 'Restricted Area Permit' (RAP) अर्थात 'Protected Area Permit' (PAP) घेतला नव्हता, ज्यामुळे ते कायद्याच्या कक्षेत आले.

एका अधिकाऱ्याने सांगितले की, "मिझोरामला पोहोचल्यानंतर ते म्यानमारमध्ये घुसले आणि भारताशी शत्रुत्व बाळगणाऱ्या 'Ethnic Armed Groups' (EAGs) शी संपर्क प्रस्थापित केला."

NIA च्या दाव्यानुसार हे आरोपी युरोपातून मोठ्या प्रमाणावर ड्रोन बेकायदेशीरपणे आयात करून ते भारतामार्गे म्यानमारमध्ये या सशस्त्र गटांपर्यंत पोहोचवत होते. या ड्रोनचा वापर म्यानमारच्या लष्करी सरकारविरोधात 'Drone Warfare', ड्रोन ऑपरेशन्स, असेंब्ली आणि जॅमिंग तंत्रज्ञान यांसाठी केला जात होता.

NIA ने सांगितले की हे EAGs भारतातील काही बंदी घातलेल्या दहशतवादी संघटनांना शस्त्रे, दहशतवादी साहित्य पुरवून आणि प्रशिक्षण देऊन पाठिंबा देत होते. त्यामुळे या प्रकरणाचा थेट संबंध भारताच्या अंतर्गत सुरक्षेशी जोडला जात आहे.

NIA ने न्यायालयाला सांगितले की आरोपींनी AK47 रायफल बाळगणाऱ्या अज्ञात दहशतवाद्यांशी थेट संपर्क ठेवल्याचे कबूल केले आहे. त्यांनी हेही मान्य केले की ते आवश्यक परवानगीशिवाय मिझोरामला गेले आणि बेकायदेशीरपणे राज्यात प्रवेश केला.

अमेरिकेच्या दूतावासाच्या प्रवक्त्याने सांगितले की, आम्हाला या परिस्थितीची जाणीव आहे. गोपनीयतेच्या कारणांमुळे आम्ही अमेरिकन नागरिकांशी संबंधित प्रकरणांवर टिप्पणी करू शकत नाही.

युक्रेनने एक निवेदन जारी करत सांगितले की, सध्याच्या घडीला युक्रेनियन नागरिकांचा भारत किंवा म्यानमारच्या भूमीवर बेकायदेशीर कारवायांमध्ये सहभाग असल्याचे कोणतेही स्थापित तथ्य नाही.

काही भारतीय आणि रशियन माध्यमांमध्ये विकृत आणि फसव्या बातम्या येत असल्याचा आरोप केला.

म्यानमारच्या सीमावर्ती भागात अनेक Ethnic Armed Groups देशाच्या लष्करी सरकारविरोधात लढत आहेत. यापैकी काही गट भारताच्या ईशान्येकडील राज्यांशी लागून असलेल्या भागात कार्यरत आहेत आणि ऐतिहासिकदृष्ट्या भारतातील बंडखोर संघटनांशी त्यांचे संबंध आहेत. त्यामुळे या भागातील घडामोडी नवी दिल्लीसाठी एक मोठी सुरक्षा चिंता आहे.

सर्व आरोपींना 27 मार्च 2026 रोजी दिल्ली न्यायालयात पुन्हा हजर केले जाणार आहे. त्यावेळी न्यायालय तपासाच्या पुढील दिशेबाबत निर्णय घेईल. NIA च्या तपासात आणखी कोणते धागेदोरे समोर येतात, यावर या प्रकरणाचे भवितव्य अवलंबून असेल.