Pune Andekar : सुनेनंतर सासूनेही मारलं मैदान! पुण्यात धक्कादायक निकाल; लक्ष्मी आंदेकरचा फक्त 81 मतांनी विजय

Pune PMC Election lakshmi Andekar : पुण्यातील सर्वात अतितटीची लढत प्रभाग क्रमांक 23 मध्ये पहायला मिळाली. सोनाली आंदेकरची सून आणि बंडू आंदेकरची वहिनी असलेल्या लक्ष्मी आंदेकरने जेलमधून बाजी मारली आहे. पुणे महानगरपालिकेत पुण्यातील प्रभाग क्रमांक 23 (क) मध्ये लक्ष्मी आंदेकरला तिकीट देण्यात आलं होतं. गडाळे ऋतुजा तेजस यांच्याविरुद्ध लक्ष्मी आंदेकरला राष्ट्रवादीने तिकीट दिलं होतं. तर कल्याणी गणेश कोमकर ही देखील अपक्ष म्हणून उभा होती. शिवसेनेकडून तिकीट न मिळाल्याने सफरचंद या चिन्हावर कल्याणीला निवडणूक लढवावी लागली होती. अशातच आता निकाल हाती आला आहे.