Trending:

Pune Andekar : काय म्हणता पुणेकर! हरले ना राव धंगेकर, वनराजच्या बायकोने केला करेक्ट कार्यक्रम! पुण्याच्या निवडणूक निकालात मोठा ट्विस्ट

Published by:Saurabh Talekar

Last Updated:Jan 16, 2026 4:50 PM IST

Pune PMC Election : पुणे महानगरपालिका निवडणुकीत कुख्यात गुंड बंदू आंदेकर याची सून विजयी झाली आहे. सोनाली आंदेकरने प्रतिभा धंगेकर यांना पराभव केला अन् नगरसेवक पद खेचून आणलं आहे.

इम्पॅक्ट शॉटतुमचा गेटवे लेटेस्ट न्यूज

Pune Sonali Andekar News : पुण्यातील प्रभाग क्रमांक 23 (ब) मध्ये मोठी फाईट पहायला मिळाली. प्रभाग क्रमांक 23 म्हणजेच नाना पेठ आणि रविवार पेठ या भागात आता महिला नेतृत्वाची मोठी लढत पाहायला मिळाली. या प्रभागातून शिवसेना शिंदे पक्षाच्या प्रतिभा धंगेकर आणि राष्ट्रवादी काँग्रेसच्या सोनाली आंदेकर यांच्यात थेट सामना रंगणार असल्याचे चित्र स्पष्ट समोर आलं होतं. प्रतिभा धंगेकर या आमदार रवींद्र धंगेकर यांच्या पत्नी असल्याने त्यांची प्रतिष्ठा पणाला लागली आहे, तर दुसरीकडे राष्ट्रवादीने तुरंगात असलेल्या सोनाली आंदेकरच्या रूपाने तगडे आव्हान उभं केलं होतं. अशातच आता सोनाली आंदेकरने प्रतिभा धंगेकरांचा अतितटीच्या लढतीत पराभव केला आहे.

धंगेकरांच्या पत्नीचा पराभव

अखेरच्या फेरीत प्रभाग 23 मधून रवींद्र धंगेकर यांची पत्नी प्रतिभा धंगेकर पिछाडीवर होत्या. तर सोनाली आंदेकर 1950 मतांनी आघाडीवर होत्या. पण अखेरीस सोनाली आंदेकरने दणक्यात विजय मिळवला अन् धंगेकरांच्या पत्नीचा पराभव केला आहे. 10809 मतं सोनाली आंदेकरला मिळाली तर प्रतिभा धंगेकरला 8859 मतं मिळाली. अतितटीच्या झालेल्या या लढतीत सोनाली आंदेकरने अखेर बाजी मारलीये.

प्रभाग 23 मधील मतदारांचा कौल

दरम्यान, या दोन्ही महिला उमेदवारांनी आपल्या प्रभागात जनसंपर्क वाढवण्यावर भर दिला असून विकासकामांच्या मुद्द्यावरून एकमेकींना टक्कर देण्याची तयारी केली. पेठांमधील जुन्या वाड्यांचा प्रश्न, पाणीपुरवठा आणि स्थानिक नागरी सुविधा हे या निवडणुकीत प्रमुख मुद्दे ठरली होती. या प्रतिष्ठेच्या लढतीत प्रभाग 23 मधील मतदार नक्की कोणाच्या पारड्यात आपले मत टाकतात, हे पाहणे औत्सुक्याचे ठरलं होतं.