Pune News: पुणेकरांचा जमिनीखालून सुसाट प्रवास! येरवडा-कात्रज भुयारी मार्गाचा प्लॅन बदलला, आता हे मार्गही जोडणार?

नवे मार्ग: केवळ येरवडा-कात्रज न ठेवता, शहराच्या गरजेनुसार ६ ते ७ वेगवेगळ्या उप-मार्गांचा अभ्यास केला जात आहे.

पार्किंगशी सांगड: महामेट्रोचे व्यवस्थापकीय संचालक श्रावण हर्डीकर यांनी या प्रकल्पाची शहराच्या पार्किंग धोरणाशी सांगड घालण्याची गरज व्यक्त केली आहे.

विभागीय आयुक्तांनी स्पष्ट केले की, कोणताही मार्ग निश्चित करण्यापूर्वी नागरिकांच्या प्रवासाची पद्धत आणि दिशा यांचा सखोल अभ्यास केला जाईल. हा प्रकल्प पुणेकरांसाठी खऱ्या अर्थाने गेमचेंजर ठरावा, यासाठी पीएमआरडीए सखोल अभ्यास करत आहे.

पुणे शहराच्या पोटातून धावणाऱ्या या ५४ किमीच्या भुयारी मार्ग प्रकल्पामुळे पुणेकरांच्या प्रवासाचा चेहरामोहरा बदलणार आहे. याचा सर्वात मोठा फायदा म्हणजे वेळेची प्रचंड बचत; येरवडा ते कात्रज हे अंतर कापण्यासाठी सध्या लागणारा दीड ते दोन तासांचा वेळ केवळ २० ते २५ मिनिटांवर येण्याची शक्यता आहे. शहरातील मुख्य रस्त्यांवरील ६० ते ७० टक्के वाहतूक जमिनीखाली वळवल्यामुळे वरच्या स्तरावरील सिग्नलची कोंडी फुटण्यास मदत होईल.