Pune Station : पुणे स्थानकावर प्रवाशांसाठी मोठे बदल लागू; प्रवासापूर्वी वाचा महत्त्वाची माहिती

मिळालेल्या माहितीनुसार, होळी सणाच्या पार्श्वभूमीवर बाहेरगावी जाणाऱ्या प्रवाशांची संख्या वाढत असल्याने पुणे रेल्वेस्थानक येथे मोठी गर्दी होत आहे. ही सर्व गर्दीची परिस्थिती लक्षात घेऊन रेल्वे प्रशासनाने विशेष तयारी सुरू केली आहे. स्थानक परिसरात प्रशासन ॲक्टिव्ह मोडमध्ये काम करताना दिसले.

काही वर्षांपूर्वी गर्दीमुळे गुदमरून मृत्यू झाल्याच्या घटना घडल्या होत्या. अशा घटना टाळण्यासाठी यंदा प्रशासन अधिक सतर्क आहे. होळीबरोबरच दसरा, दिवाळी आणि छठपूजेच्या काळातही अशीच व्यवस्था केली जाणार आहे.

होल्डिंग एरियामध्ये मोबाईल चार्जिंग पॉईंट, मोबाइल स्वच्छतागृह, पिण्याच्या पाण्याची सोय, बसण्यासाठी जागा, पंखे तसेच ऊन, वारा आणि पावसापासून संरक्षणासाठी शेडची व्यवस्था आहे.एवढंच नाही तर प्रवाशांना ट्रेनची माहिती देण्यासाठी इलेक्ट्रॉनिक फलक लावण्यात आला आहे. रेल्वे सुरक्षा जवानांचा कडक बंदोबस्त ठेवण्यात आला आहे.