Pune News: पुणेकर घर किंवा फ्लॅट भाड्याने देताय? आधी हे करा, अन्यथा होऊ शकते कारवाई
- Reported by:Niranjan Sherkar
- Published by:Shankar Pawar
Last Updated:
Pune News: पुणेकर घरमालकांसाठी महत्त्वाची बातमी आहे. घर भाड्याने देताना आता काही नियम पाळणे बंधनकारक असणार आहे. अन्यथा घरमालकावर कारवाई होऊ शकते.
पुणे: गेल्या काही काळात पुण्यात गुन्हेगारीचे प्रमाण वाढले आहे. दिवसेंदिवस वाढती गुन्हेगारी लक्षात घेता, घर किंवा फ्लॅट भाड्याने देताना आता प्रत्येक घरमालकाने भाडेकरूंची संपूर्ण माहिती पोलिसांना देणे बंधनकारक करण्यात आले आहे. भाडेकराराची नोंदणी आता कायदेशीर कागदपत्रांमध्ये करणे आवश्यक आहे. त्यासाठी भाडेकरूंचे ओळखपत्र, फोटो आणि इतर आवश्यक माहिती स्थानिक पोलिस स्टेशनमध्ये द्यावी लागणार आहे. सदर प्रक्रिया ही अनेक शहरांमध्ये ऑनलाईन स्वरूपात देखील करता येते.
प्रक्रिया का आवश्यक आहे?
अनेक गुन्हेगार किंवा बेघर व्यक्ती खोटी ओळख देऊन फ्लॅट भाड्याने घेतात. यामुळे गुन्हेगारी वाढू शकते. पोलिसांना वेळेत माहिती न दिल्यास तपासात अडथळे निर्माण होतात आणि काही प्रकरणांमध्ये घरमालक जबाबदार धरला जातो. त्यामुळे भाडेकरूंच्या माहितीची नोंदणी ही कायद्याच्या दृष्टिकोनातून सुरक्षिततेसाठी आवश्यक पाऊल ठरते.
advertisement
माहिती न दिल्यास कारवाई होणार
जर घरमालकाने पोलिसांना भाडेकरूविषयी माहिती दिली नाही तर त्याच्यावर कारवाई होऊ शकते. भारतीय दंडसंहितेनुसार तसेच स्थानिक पोलिस कायद्याअंतर्गत चुकीची माहिती दिल्यास गुन्हा दाखल होऊ शकतो. त्यामुळे नागरिकांनी या प्रक्रियेत कोणतीही टाळाटाळ न करता भाडेकरूंची माहिती नोंदवणे महत्त्वाचे ठरत आहे.
अधिकृत भाडे करार करणे गरजेचे
घरमालक आणि भाडेकरू यांच्यातील स्पष्ट करार, अधिकृत कागदपत्र आणि पोलिस ठाण्यातील नोंदणी यामुळे पुढील काळात कोणतेही वाद उद्भवल्यास संरक्षण मिळते. तसेच या नियमांचे पालन केल्यास दहशतवादी हालचाली किंवा इतर गुन्हेगारी प्रकारांवर अंकुश ठेवता येतो.
Location :
Pune,Maharashtra
First Published :
Sep 12, 2025 12:19 PM IST
मराठी बातम्या/पुणे/
Pune News: पुणेकर घर किंवा फ्लॅट भाड्याने देताय? आधी हे करा, अन्यथा होऊ शकते कारवाई
