सोळाव्या वर्षापासून हमाली केली, आई-वडिलांच्या नावे संस्था उभारली, आता करतायेत मोठं काम, तुम्हीही कराल सलाम!

पुणे: काही व्यक्ती आयुष्यात आलेल्या संघर्षांवर मात करून स्वतःचं जीवन घडवतात आणि त्या अनुभवांमधून इतरांसाठीही आशेचा किरण बनतात. पुण्यातील असंच एक नाव म्हणजे नितीन शिंदे होय. गेल्या 34 वर्षांपासून रिक्षा चालवत आयुष्याच्या खडतर वाटा पार केलेल्या शिंदे यांनी समाजासाठी काहीतरी करण्याचा निर्धार केला आणि ‘मधुतारा दिव्यांग सोशल फाउंडेशन’ची स्थापना केली. आज ही संस्था पुण्यातील नव्हे तर महाराष्ट्रातील गरजू, दिव्यांग, निराधार व महिलांसाठी आधार बनण्याचं काम करतेय. याबाबत लोकल18 च्या माध्यमातून जाणून घेऊ.