पुण्यात विचित्र प्रकार! गोड बोलून विश्वास जिंकला; महिलेनं चोरट्यांना स्वतःच काढून दिल्या सोन्याच्या बांगड्या, मग..

पुणे: सोन्या चांदीच्या दागिन्यांच्या किमती भरपूर वाढल्या आहेत. त्यामुळे दागिने चोरीच्या घटनाही दररोज समोर येत आहेत. पुण्यातून आता अशीच आणखी एक घटना समोर आली आहे. शहरात ज्येष्ठ नागरिकांना लक्ष्य करणाऱ्या भामट्यांचा सुळसुळाट झाला आहे. दागिने पॉलिश करून देण्याच्या बहाण्याने एका ६५ वर्षीय महिलेची फसवणूक करण्यात आल्याची धक्कादायक घटना नुकतीच समोर आली आहे. दांडेकर पूल परिसरात रविवारी दुपारी घडलेल्या या प्रकारात चोरट्यांनी महिलेच्या हातातील सुमारे १ लाख ८० हजार रुपये किमतीच्या सोन्याच्या दोन बांगड्या लंपास केल्या. याप्रकरणी पर्वती पोलीस ठाण्यात तीन अज्ञात चोरट्यांविरुद्ध गुन्हा दाखल करण्यात आला आहे.