पुण्याच्या पाटलाची कमाल, चक्क टेरेसवर फुलवली फळबाग, एकदा नक्की पाहाच...Video

पुणे : आपल्या मुलांप्रमाणे झाडांची काळजी घेऊन आलेली फळे खायला मिळणं हा आनंद काही वेगळाच आहे. पुण्यातील चिंचवड या ठिकाणच्या शंकर पाटील यांनी आपल्या घराच्या गच्चीवर बाग फुलवली आहे. त्यामुळे त्यांना स्वतः पिकवलेली फळे आणि भाजीपाला खायला मिळत आहे.

मूळचे जळगाव जिल्ह्यातील असलेल्या आणि सध्या वास्तव्यास चिंचवड या ठिकाणी असलेल्या शंकर पाटील यांनी शहरातील मर्यादित जागेत देखील बाग होऊ शकते हे दाखवून दिलंय. त्यांच्या या बाहेत मोसंबी, अंजीर, पेरू, सीताफळ, डाळिंब, द्राक्ष, स्टॉबेरी, पेरू, चिक्कू, अशी फळं असून पालेभाज्यमध्ये कढीपत्ता, मेथी, पालक, गवार, पुदिना, कोथिंबीर लावली आहे.

टेरेस बागेविषयी माहिती देताना शंकर पाटील यांनी सांगितले की, विविध रंगीबेरंगी फुलांनी आणि रसाळ फळांनी मी टेरेस बाग एका सुंदर बागेत बदलली. या टेरेस बागेची खूप काळजी घेवून नियमितपणे बागेला पाणी मी देत असतो. स्वतः सेंद्रिय खत तयार करून खत टाकत कीटकांपासून बागेचे रक्षण केले. या मेहनतीचे फळ लवकरच मिळू लागले.  बागेत फळे आणि भाजीपाला खूप चविष्ट आणि रसाळ येऊ लागली.