पुणेकरांसाठी गुड न्यूज! वाहतूक कोंडीतून सुटकेची डेडलाईन ठरली, पहिला डबल डेकर उड्डाणपूल...

औंध–शिवाजीनगर परिसरात नागरिकांना मोठ्या प्रमाणात वाहतूक कोंडीचा सामना करावा लागतो. हा भाग पुण्यातील सर्वाधिक वाहतूक कोंडी होणाऱ्या परिसरांपैकी एक मानला जातो. उड्डाणपुलाच्या पहिल्या टप्प्यातील काम पूर्ण झाल्यामुळे या मार्गावरील वाहतूक कोंडी काही प्रमाणात कमी झाली आहे. मात्र बाणेर आणि पाषाण दिशेकडील उर्वरित काम अद्याप अपूर्ण असल्याने त्या परिसरात वाहतूक कोंडी कायम आहे. हे काम पूर्ण झाल्यानंतर नागरिकांना वाहतूक कोंडीतून दिलासा मिळणार असून प्रवासाचा वेळही मोठ्या प्रमाणात वाचणार आहे.

हा डबल डेकर उड्डाणपूल रस्ते वाहतूक आणि मेट्रो मार्ग यांची संयुक्त रचना म्हणून उभारण्यात आला आहे. त्यामुळे या परिसरातील प्रवाशांना दुहेरी फायदा होणार आहे. औंध आणि बाणेर दिशेने येणारे दोन लेनचे अप-रॅम्प मेट्रो मार्गासोबत असलेल्या तीन लेनच्या डबल डेकर पुलाशी जोडले जाणार आहेत.