साडीतली सुपरवुमन! 3 वर्षे 10-10 तास केला सराव, गावाकडच्या लेकीचं जगात गाजतंय नाव!

"मी 18 वर्षाची असताना पुण्यात आले. मला बार टेंडिंग बदल मला माहिती नव्हतं. माझे मामा राज मेधार यांनी मला या फिल्ड बद्दल शिकवलं. मग माझी आवड तयार होत गेली. मी जवळ पास 8 वर्ष या क्षेत्रात काम केलं. एक दिवस मी गूगलवर सर्च केलं. तेव्हा लक्षात आलं की बार टेंडिंगमध्ये एकाही महिलेचा रेकॉर्ड नाही. कोरोना काळात 3 वर्ष प्रॅक्टिस केली आणि नंतर हा रेकॉर्ड तयार झाला," असं कविता सांगतात.

"कर्नाटकमधील एका छोट्या खेड्यात आई-वडील शेती करतात. मी सुरुवात बारटेंडिंग शिकायला सुरुवात 18 व्या वर्षी केली. 8 वर्षे सतत सराव केला, तेव्हा हा विक्रम करू शकले. त्यासाठी 3 वर्षे रोज 8 ते 10 तास सराव करत होते. आता जागतिक विक्रम झाला आहे. विशेष म्हणजे असा विक्रम करणारी मी पहिलीच महिला असल्याचा अभिमान वाटतो. आता सर्व स्तरांतून कौतुक होत असल्यानं सेलिब्रेट फील होतंय. लोकांचा माझ्याकडे बघण्याचा दृष्टीकोन बदलला. मात्र, बारटेंडिंग या क्षेत्राकडे बघण्याचा दृष्टिकोन बदलण्याची गरज आहे," असंही कविता सांगतात.