Pune Water Cut: पुणेकरांनो, पाणी जपून वापरा, दिवाळीपूर्वी पुरवठा बंद राहणार, पाहा कधी आणि कुठं?

पुणे : पुणे महानगरपालिकेच्या पाणी पुरवठा विभागाकडून गुरुवार, 9 ऑक्टोबरला शहराचा पाणीपुरवठा बंद ठेवण्यात येणार आहे. शहरातील विविध जलशुद्धीकरण केंद्रे, पंपिंग स्टेशन तसेच टाक्यांमध्ये आवश्यक विद्युत व स्थापत्यविषयक देखभाल आणि दुरुस्तीची कामे हाती घेण्यात येणार असल्याने हा निर्णय घेण्यात आला आहे. या कामांमुळे शुक्रवारी (10 ऑक्टोबर) सकाळी उशिरा आणि कमी दाबाने पाणीपुरवठा सुरू होईल. नागरिकांनी पाण्याचा वापर जपून करावा, तसेच आवश्यक तेवढे पाणी साठवून ठेवावे, असे आवाहन पुणे महानगरपालिकेकडून करण्यात आले आहे.