'25 लाखात अर्धा तोळे सोनं मिळणार'; पुण्यातील महिलेनं लगेचच दिले पैसे अन् झाला गेम

पुणे: सोन्याच्या किमतीत प्रचंड वाढ झाली आहे. त्यामुळे सोनं-चांदी चोरीच्या घटनाही समोर येत आहेत. अशातच आता पुण्यात यांच्याशीच संबंधित एक अजब घटना समोर आली आहे. यात कमी किमतीत सोनं देण्याचं आमिष दाखवून एका ५८ वर्षीय महिलेची तब्बल २५ लाख रुपयांची फसवणूक केल्याचा प्रकार उघडकीस आला आहे. अर्धा किलो (५०० ग्रॅम) सोनं केवळ २५ लाख रुपयांमध्ये देण्याचं आश्वासन आरोपींनी दिलं होतं. याप्रकरणी उत्तमनगर पोलीस ठाण्यात दोन आरोपींविरुद्ध गुन्हा दाखल करण्यात आला असून, पोलिसांनी तपास सुरू केला आहे.