Pune Leopard : बिबट्याची धास्ती! पुणे जिल्ह्यातील शाळांच्या वेळाच बदलल्या, आता या वेळेत भरणार

पुणे : पुणे जिल्ह्यातील अनेक भागांमध्ये बिबट्यांचा वावर मोठ्या प्रमाणात वाढला आहे. मागील महिन्यात बिबट्याच्या हल्ल्यात तीन नागरिकांना जीव गमवावा लागल्याच्या पार्श्वभूमीवर पुणे जिल्हा परिषदेनं महत्त्वपूर्ण निर्णय घेतला आहे. शिरूर, आंबेगाव, खेड आणि जुन्नर या बिबटप्रवण आणि अतिसंवेदनशील क्षेत्रातील विद्यार्थ्यांच्या सुरक्षिततेसाठी शाळांच्या वेळेत बदल करण्यात आला आहे. आता या भागातील शाळा सकाळी साडेनऊ ते दुपारी 4 या वेळेत भरतील.