पुणेकरांनो विकेंडला बिनधास्त करा फिरायचा प्लॅन; स्वारगेट- महाबळेश्वर मार्गावर नवी ‘ई शिवाई’ बससेवा सुरू

पुणे: थंड हवेचे ठिकाण म्हणून प्रसिद्ध असलेल्या महाबळेश्वरला जाणाऱ्या पर्यटकांच्या संख्येत मोठी वाढ होत आहे. हे लक्षात घेऊन महाराष्ट्र राज्य मार्ग परिवहन महामंडळाने स्वारगेट आगारातून विशेष पुढाकार घेतला आहे. स्वारगेट ते महाबळेश्वर या मार्गावर आता अत्याधुनिक आणि वातानुकूलित 'ई-शिवाई' बस धावणार आहे. यामुळे प्रवाशांना पर्यावरणपूरक आणि आरामदायी प्रवासाचा एक नवा पर्याय मिळाला आहे. ही बस सेवा सुरू झाल्यामुळे खाजगी वाहनांचा वापर कमी होऊन प्रदूषणाला आळा बसण्यास मदत होईल, अशी अपेक्षा व्यक्त केली जात आहे.