महाराष्ट्रातील 1 कोटी 51 लाख महिलांची तपासणी, 'या' रोगाचा धोका वाढला, चिंताजनक अहवाल समोर

पुणे : राज्यातील महिलांमध्ये कर्करोगाचे प्रमाण झपाट्याने वाढत आहे. राज्य सरकारच्या आरोग्य विभागाच्या तपासणी मोहिमेतून हे धक्कादायक वास्तव समोर आले आहे. स्वस्थ नारी, सशक्त परिवार या राज्यव्यापी आरोग्य मोहिमेत तब्बल एक कोटी 51 लाख महिलांची तपासणी करण्यात आली. त्यात हजारो महिला कर्करोगग्रस्त असल्याचे निदर्शनास आले आहे. या मोहिमेचा उद्देश महिलांच्या आरोग्याबद्दल जनजागृती आणि लवकर निदानाद्वारे गंभीर आजारांवर नियंत्रण ठेवणे हा होता.