9820 किमी, 43 दिवस आणि 3 पुणेकर मित्र; दुचाकीवरून गाठलं पुणे टू अरुणाचल प्रदेश!

पुणे : साहस, जिद्द आणि भारताच्या विविधतेचा अनुभव घेण्याची प्रबळ इच्छा मनाशी बाळगून पुणे जिल्ह्यातील शिवणे येथील तीन तरुणांनी दुचाकीवरून तब्बल 9 हजार 820 किलोमीटरचा अविस्मरणीय प्रवास पूर्ण केला आहे. संदीप देशमुख, संतोष पाषाणकर आणि रवींद्र पवार या तिघांनी मिळून पुणे ते उत्तर-पूर्व भारतातील आठ राज्यांमधून हा थरारक प्रवास यशस्वीरीत्या पूर्ण करत 43 दिवसांनंतर सुखरूप पुण्यात परत येत आपली साहसगाथा पूर्ण केली. याबाबतची अधिक माहिती लोकल 18 शी बोलताना त्यांनी दिली.