रक्षांबधनाच्या औचित्यावर पुण्यात एक अनोखा उपक्रम, तुम्हीही कराल कौतुक, VIDEO

पुणे : राखीपौर्णिमा अर्थात रक्षाबंधन हा भावाबहिणींचा सण म्हणून ओळखला जातो. बहीण भावाला राखी बांधते. राखी अर्थात हा नक्कीच साधासुधा धागा नाही. यामागे असणाऱ्या भावना अत्यंत वेगळ्या आहेत. भावाने बहिणीला तिच्या रक्षेचे दिलेले वचन हे खूपच महत्त्वाचे असते. याच रक्षाबंधनाच्या पवित्र सणाच्या निमित्ताने पुण्यात एक अनोखा आणि कौतुकास्पद उपक्रम साजरा करण्यात आला.

पुण्यातील ज्या महिलांना भाऊ नाहीत, अशा महिलांनी सीमेवरील जवानांना तसेच काही तरुणांना राखी बांधत हा राखीपौर्णिमेचा सण साजरा केला आहे. पुण्यातील वैष्णवी फाऊंडेशन तर्फे हा उपक्रम राबवण्यात आला. यामध्ये शहरातील महिलांच्या हस्ते जवानांना आणि वृक्षांना राखी बांधून तसेच ज्या महिला भगिनींना भाऊ नाही किंवा कामानिमित्त परगावी आहे, अशा महिला भगिनींकडून युवकांनी राख्या बांधून घेऊन रक्षाबंधन साजरे केले. अनेक महिलांनी यात सहभाग घेतला.