कॅलिग्राफीमध्ये कस्टमाईज गिफ्ट कसे बनवले जातात? पाहा Video

कॅलिग्राफी व्हिज्युअल आर्टचा एक प्रकार ज्यामध्ये अक्षरे आणि शब्दांची कुशल पद्धतीने मांडणी केली जाते. अनेक शतकांपासून संस्कृतींमध्ये प्रचलित असणारी ही कला आहे. कॅलिग्राफीमध्ये पारंगत असलेले कलाकार ही नावे, डिझाईन करण्यासाठी वेगवेगळ्या प्रकारच्या सामग्रीचा वापर करत असतात. पेन, कटर, मेटल यांसारखी विशेष साधने वापरतात आणि लिखित शब्दाला कलाकृती बनवतात.

मेटल कटिंगच काम आम्ही करतो. कॅलिग्राफी हे काम तसं पुण्यामध्ये फार कमी ठिकाणी पाहिला मिळते. सर्व प्रथम मेटल वर कॅलिग्राफी करून मेटलला कट केले जाते. याला पॉलिश करावं लागतं. तशी ही कला फार मेहनतीची आहे. गेली 18 वर्ष झालं मी ही कला जोपासत आहे. तसंच या कलेचं वैशिष्ट्य असं की पितळ असल्यामुळे खराब आणि तुडण्याची शक्यता नसते. कायम स्वरूपी तुमच्याकडे राहते. 40 रुपये दरामध्ये हे करुन दिलं जात. यामध्ये पर्सनलाईझ नाव, गणपती, रामाची मूर्ती तयार करून दिली जाते तसंच हे गिफ्ट म्हणून देखील देऊ शकतो, अशी माहिती कॅलिग्राफी आर्टिस्ट शबीर शेख यांनी दिली आहे.

यामध्ये वेगवेगळ्या प्रकारची नावे, तसंच मूर्ती ही तयार केल्या जातात. आणि दिसायला देखील अतिशय उत्कृष्ट असं हे कॅलिग्राफी कला आहे आणि ही फार पूर्वीपार चालत आलेली कला परंतु आता फारस कोणी करताना पाहिला मिळत नाही. परंतु शबीर शेख यांनी ती जतन केली आहे. त्यामुळे अनोख्या आणि वेगळ्या प्रकारचे गिफ्ट दायचे असेल तर हा एक चांगला पर्याय आहे.