शेण, माती अन् बियांपासून विद्यार्थ्यांनी बनवले गणपती, पुण्यात या मराठी शाळेचा अनोखा उपक्रम, VIDEO

पुणे : भारतीय संस्कृतीमधे सण, उत्सव व परंपरेला खूप महत्वाचे स्थान आहे. त्यामुळे पुण्यात विद्यार्थ्यांना पर्यावरण जतन व संवर्धन करण्याचा संदेश देण्याचा प्रयत्न या सण, उत्सवातून पुण्यातील जिल्हा परिषद प्राथमिक शाळा भोर येथे होत असतो. नेमका काय आहे हा उपक्रम हेच आपण जाणून घेऊयात.

गणेशोत्सव काही दिवसांवर येऊन ठेपला आहे. त्यामुळे गणेशोत्सव पर्यावरणपूरक आणि आनंददायी व्हावा याकरिता या शाळेतील विद्यार्थ्यांसाठी शाडूच्या मातीच्या पर्यावरणस्नेही गणेशमूर्ती तयार करण्याची कार्यशाळा शाळेत आयोजित करण्यात आली होती. यामध्ये परिसरातील माती, वनस्पतीच्या बिया, गाईचे शेण वापरून व हळदीसारखे नैसर्गिक रंगांचा वापर करून गणेश मूर्ती तयार करण्यात आल्या. या कार्यशाळेत विद्यार्थ्यांनी उत्स्फूर्त सहभाग घेत गणेश मुर्ती बनविण्याचा आनंद घेतला.