24 to 30 September 2023 Vrat: एकादशी, अनंत चतुर्दशी, पितृपक्ष सुरुवात; शेवटच्या आठवड्यात भरगच्च व्रत-उपवास
- Published by:Ramesh Patil
Last Updated:
24 to 30 September 2023 Vrat Tyohar date: या शेवटच्या आठवड्यात आलेल्या व्रत-उपवास-सणांविषयी तिरुपतीचे ज्योतिषी डॉ. कृष्णकुमार भार्गव सविस्तर सांगत आहेत.
मुंबई, 24 सप्टेंबर : सप्टेंबर 2023 चा शेवटचा आठवडा आज, रविवार 24 सप्टेंबर रोजी सुरू झाला आहे. हा आठवडा शनिवार 30 सप्टेंबरपर्यंत आहे. या आठवड्यात परिवर्तनिनी एकादशी, बुध प्रदोष व्रत, वामन जयंती, सूर्याचे नक्षत्र बदल, अनंत चतुर्दशी, भाद्रपद प्रोष्ठपदी पौर्णिमा असे व्रत-उपवास असणार आहेत. दहा दिवसांच्या गणेशोत्सवाची सांगता या आठवड्यात गणेश विसर्जनाने होणार आहे. पितरांना समर्पित पितृपक्षही आठवड्याच्या शेवटच्या दिवसात सुरू होईल. या आठवड्यात श्राद्धाच्या 3 तिथी आहेत, जसे की पौर्णिमा श्राद्ध, प्रतिपदा श्राद्ध आणि द्वितीया श्राद्ध. या शेवटच्या आठवड्यात आलेल्या व्रत-उपवास-सणांविषयी तिरुपतीचे ज्योतिषी डॉ. कृष्णकुमार भार्गव सविस्तर सांगत आहेत.
24 ते 30 सप्टेंबर 2023 पर्यंत उपवास आणि सण -
25 सप्टेंबर, सोमवार: परिवर्तिनी एकादशी व्रत -
यावर्षी परिवर्तिनी एकादशीचे व्रत 25 सप्टेंबर रोजी आहे. त्या दिवशी भगवान विष्णूची यथोचित पूजा केली जाते. भाद्रपद महिन्यातील शुक्ल पक्षातील एकादशीला परिवर्तिनी स्मार्त एकादशी व्रत केले जाते. या वर्षी भाद्रपद शुक्ल एकादशी तिथी सोमवार, 25 सप्टेंबर रोजी सकाळी 07:55 ते मंगळवार, 26 सप्टेंबर रोजी सकाळी 05:00 पर्यंत आहे. 26 सप्टेंबर रोजी दुपारी 01:25 ते 03:49 या दरम्यान उपवास सोडला जाऊ शकतो.
advertisement
26 सप्टेंबर, मंगळवार: वैष्णव परिवर्तिनी एकादशी व्रत, वामन जयंती
वामन जयंती 2023: यावर्षी वामन जयंती 26 सप्टेंबर रोजी आहे. भाद्रपद महिन्यातील शुक्ल पक्षातील द्वादशी तिथीला भगवान विष्णूंनी वामन अवतार घेतला. या कारणास्तव या तिथीला वामन जयंती साजरी केली जाते. या दिवशी वामन देवाची पूजा केली जाते. वामन अवतारात भगवान विष्णूने राजा बळीकडून 3 पग जमीन दान मागितली होती.
advertisement
27 सप्टेंबर, बुधवार: बुध प्रदोष व्रत
बुध प्रदोष व्रत 2023: सप्टेंबरचे शेवटचे प्रदोष व्रत बुधवार, 27 सप्टेंबर रोजी आहे. भाद्रपद महिन्यातील शुक्ल पक्षातील त्रयोदशी तिथीला हे व्रत केले जाईल. या दिवशी प्रदोष काळातील शिवपूजेचा शुभ मुहूर्त संध्याकाळी 06:12 ते 08:36 पर्यंत आहे. बुध प्रदोष व्रत केल्यानं मनोकामना पूर्ण होतात आणि महादेवाचा आशीर्वाद प्राप्त होतो.
advertisement
28 सप्टेंबर, गुरुवार: अनंत चतुर्दशी, गणेश विसर्जन -
अनंत चतुर्दशी 2023: भाद्रपद शुक्ल चतुर्दशी तिथीला अनंत चतुर्दशी व्रत पाळले जाते. या दिवशी भगवान विष्णूच्या अनंत रूपाची पूजा केली जाते. अनंत चतुर्दशीच्या दिवशी वैष्णव भक्त अनंतसूत्र बांधतात.
गणेश विसर्जन 2023: 19 सप्टेंबर रोजी गणेश चतुर्थीपासून सुरू झालेला गणेश उत्सव 28 सप्टेंबर रोजी गणेश विसर्जनाने समाप्त होईल. त्या दिवशी गणपती बाप्पाच्या मूर्तींचे विसर्जन करून गणेशाला निरोप दिला जाईल.
advertisement
29 सप्टेंबर, शुक्रवार: भाद्रपद प्रोष्ठपदी पौर्णिमा, पितृपक्ष सुरू, पौर्णिमा श्राद्ध, प्रतिपदा श्राद्ध.
भाद्रपद पौर्णिमा 2023: यावर्षी भाद्रपद पौर्णिमा 29 सप्टेंबर रोजी आहे. भाद्रपद पौर्णिमा तिथी 28 सप्टेंबर रोजी संध्याकाळी 06:49 ते 29 सप्टेंबर रोजी दुपारी 03:26 पर्यंत आहे. भाद्रपद पौर्णिमा व्रत, स्नान व दान 29 सप्टेंबर रोजी होणार आहे. त्या दिवशी चंद्रोदय संध्याकाळी 06:16 वाजता होईल.
advertisement
पितृ पक्ष 2023: यावर्षी पितृपक्ष 29 सप्टेंबरपासून सुरू होणार आहे. त्या दिवशी पौर्णिमा तिथीचे श्राद्ध आणि प्रतिपदा तिथीचे श्राद्ध असते. ज्या लोकांचे नातेवाईक या दोन तारखेला मरण पावले असतील त्यांच्यासाठी तर्पण, श्राद्ध, पिंडदान इ. पितृपक्ष 16 दिवस चालतो. 14 ऑक्टोबरला सर्वपित्री अमावस्येच्या दिवशी त्याची सांगता होईल.
30 सप्टेंबर, शनिवार: द्वितीया श्राद्ध
द्वितीया श्राद्ध 2023: पितृ पक्षातील द्वितीया श्राद्ध शनिवार, 30 सप्टेंबर रोजी आहे. त्या दिवशी, कोणत्याही महिन्याच्या द्वितीया तिथीला मृत लोकांसाठी श्राद्ध, तर्पण, पिंड दान इ. गोष्टी करतात.
advertisement
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
Location :
Mumbai,Maharashtra
First Published :
September 24, 2023 8:46 AM IST
मराठी बातम्या/अध्यात्म/
24 to 30 September 2023 Vrat: एकादशी, अनंत चतुर्दशी, पितृपक्ष सुरुवात; शेवटच्या आठवड्यात भरगच्च व्रत-उपवास
