यंदा जन्माष्टमीला कृष्णाला सजवा राशीनुसार! सर्व अडचणी हळूहळू होऊ शकतात दूर

अयोध्या : कृष्णाला प्रेमाचं प्रतीक मानतात. त्यामुळे कृष्णाचा आशीर्वाद म्हणजे आयुष्यात प्रेमाचा बहर. ज्या व्यक्तीला साक्षात कृष्ण देवता प्रसन्न होते तिची सुख-समृद्धीनं भरभराट होते, असं म्हणतात. म्हणूनच कृष्ण जन्माष्टमीला अत्यंत मनोभावे पूजा केली जाते.

अयोध्येचे ज्योतिषी पंडित कल्की राम यांनी दिलेल्या माहितीनुसार, यंदा 26 ऑगस्टला श्रीकृष्ण जन्माष्टमी साजरी होईल. या दिवशी कृष्णाची मनोभावे पूजा केल्यास, त्याला आवडीच्या पदार्थांचा नैवेद्य अर्पण केल्यास मनातल्या सर्व इच्छा पूर्ण होतात असं म्हणतात. जन्माष्टमीला कृष्णाला अत्यंत सुंदर वस्त्र परिधान करून सुरेख असा शृंगार केला जातो. जर आपण राशीनुसार बाळकृष्णाला सजवलं तर ही जन्माष्टमी आपल्यासाठी खरोखर लाभदायी ठरू शकते, असं ज्योतिषी सांगतात.