आज भीष्म अष्टमी! घरात हवी असेल सुख-शांती तर 'या' 5 चुका टाळाच, अन्यथा पितृदोषाचा करावा लागेल सामना

Published by:Manasee Dhamanskar

Last Updated:Jan 26, 2026 12:28 PM IST

महाभारतातील महान योद्धा आणि कुरुवंशाचे आधारस्तंभ 'भीष्म पितामह' यांनी ज्या दिवशी आपला देह त्यागला, ती तिथी म्हणजे 'भीष्म अष्टमी'. यंदा सोमवार, 26 जानेवारी 2026 रोजी भीष्म अष्टमी साजरी केली जात आहे.

Bhishma Ashtami 2026 : महाभारतातील महान योद्धा आणि कुरुवंशाचे आधारस्तंभ 'भीष्म पितामह' यांनी ज्या दिवशी आपला देह त्यागला, ती तिथी म्हणजे 'भीष्म अष्टमी'. यंदा सोमवार, 26 जानेवारी 2026 रोजी भीष्म अष्टमी साजरी केली जात आहे. भीष्म पितामहांना 'इच्छा मरणाचे' वरदान होते, त्यामुळे त्यांनी सूर्य उत्तरायणात येईपर्यंत वाट पाहिली आणि माघ शुद्ध अष्टमीला प्राण सोडले. या दिवशी पितरांचे तर्पण आणि श्राद्ध केल्याने पितृदोषापासून मुक्ती मिळते आणि घरात सुख-शांती नांदते, अशी मान्यता आहे. मात्र, हे व्रत करताना काही गोष्टींची विशेष काळजी घेणे आवश्यक आहे.

भीष्म अष्टमीला काय करावं?

पवित्र स्नान आणि अर्घ्य: आजच्या दिवशी सकाळी लवकर उठून गंगा किंवा कोणत्याही पवित्र नदीत स्नान करावे. जर ते शक्य नसेल, तर घरातील अंघोळीच्या पाण्यात थोडे गंगाजल टाकून स्नान करावे. त्यानंतर सूर्यदेवाला तांब्याच्या कलशातून अर्घ्य अर्पण करावे.

भीष्म तर्पण: भीष्म पितामह हे आजन्म ब्रह्मचारी होते, त्यामुळे त्यांना स्वतःची संतती नव्हती. शास्त्रात असे सांगितले आहे की, जगातील कोणताही व्यक्ती भीष्म पितामहांसाठी तर्पण करू शकतो. हातात तीळ, कुशा आणि जल घेऊन भीष्म पितामहांना अर्पण केल्याने वर्षभराच्या पापांतून मुक्ती मिळते.

पितृदोष निवारण पूजा: ज्यांच्या कुंडलीत पितृदोष आहे, त्यांनी आजच्या दिवशी पितरांच्या नावाने 'एकोदिष्ट श्राद्ध' किंवा तर्पण करावे. यामुळे पूर्वजांचे आशीर्वाद मिळतात आणि कुटुंबाची प्रगती होते.

दीपदान आणि पूजा: संध्याकाळच्या वेळी भगवान विष्णू आणि भीष्म पितामह यांच्या नावाने तुपाचा दिवा लावावा. विष्णुसहस्रनामाचे पठण करणे आजच्या दिवशी अत्यंत फलदायी मानले जाते.

सात्त्विक आहार आणि ब्रह्मचर्य: हे व्रत पाळणाऱ्यांनी आजच्या दिवशी पूर्णतः सात्त्विक आहार घ्यावा आणि ब्रह्मचर्याचे पालन करावे. मन शांत ठेवून नामस्मरण करावे.

दानधर्म: आजच्या दिवशी गरजूंना किंवा ब्राह्मणांना तीळ, गूळ, गहू, कपडे किंवा छत्री दान करणे शुभ मानले जाते. निपुत्रिक जोडप्यांनी हे व्रत केल्यास त्यांना गुणवान संतती प्राप्त होते, अशी श्रद्धा आहे.

भीष्म अष्टमीला काय टाळावे?

तामसिक भोजन: आजच्या दिवशी जेवणात लसूण, कांदा, मांस किंवा मद्य यांचा वापर चुकूनही करू नका.

राग आणि वादविवाद: भीष्म पितामह हे शांत आणि संयमी स्वभावाचे प्रतीक होते. आजच्या दिवशी कोणाशीही भांडण करू नका किंवा घरातील वडीलधाऱ्यांचा अपमान करू नका.

तुळशीची पाने तोडणे: एकादशीप्रमाणेच अनेक भाविक अष्टमीलाही तुळशीची पाने तोडणे टाळतात.

अस्वच्छता: घरामध्ये आणि विशेषतः पूजेच्या ठिकाणी अस्वच्छता ठेवू नका.

खोटे बोलणे: व्रताच्या दिवशी मनात कोणाबद्दलही कपट किंवा खोटे विचार आणू नका, यामुळे व्रताचे पुण्य कमी होते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

view comments

Location :

Mumbai,Maharashtra

First Published :

Jan 26, 2026 12:28 PM IST

आज भीष्म अष्टमी! घरात हवी असेल सुख-शांती तर 'या' 5 चुका टाळाच, अन्यथा पितृदोषाचा करावा लागेल सामना