Rakshas Gana : राक्षस गणामध्ये जन्माला आलेल्या लोकांना खरंच भुतं दिसतात का?

राक्षस गण असलेल्यांना त्यांच्या आजूबाजूला असणाऱ्या नकारात्मक शक्तीची जाणीव होते. हा त्यांच्यातला नैसर्गिक गुण आहे. त्यामुळे त्यांना कधीकधी भुतं दिसतात; पण राक्षस गणाच्या व्यक्तींना नकारात्मक शक्तींची अजिबात भीती वाटत नाही. कारण हा गण असणाऱ्या व्यक्ती धाडसी असतात. प्रतिकूल परिस्थितीतही त्या घाबरत नाहीत. त्यामुळेच त्यांना जेव्हा नकारात्मक ऊर्जा जाणवते, तेव्हा त्या अस्वस्थ होत नाहीत, असं सांगितलं जातं.

ज्योतिषशास्त्रात नक्षत्रांच्या आधारे व्यक्तीचा गण ठरवला जातो. ज्या नक्षत्रात व्यक्तीचा जन्म झाला आहे, त्यावरून त्याचा गण मानव, देव किंवा राक्षस यांपैकी नेमका कोणता आहे, हे ठरतं. ज्योतिषशास्त्रात एकूण 27 नक्षत्रं असून त्यापैकी कृत्तिका, आश्लेषा, मघा, चित्रा, विशाखा, ज्येष्ठा, मूळ, धनिष्ठा, शततारका या 9 नक्षत्रांवर ज्या व्यक्ती जन्माला येतात, त्या व्यक्तीचा गण राक्षस असतो.