Guru Purnima 2025: साईबाबांच्या शिर्डीत कधीपासून साजरा होतो गुरुपौर्णिमा उत्सव? काय आहे परंपरा? Video

शिर्डी: गुरुपौर्णिमा महोत्सव शिर्डीतील चार प्रमुख उत्सवांपैकी एक आहे. दरवर्षी शिर्डीत तीन दिवस गुरुपौर्णिमा उत्सव साजरा केला जातो. शिर्डीत गुरुपौर्णिमा उत्सव साजरी करण्याची परंपरा साईबाबांच्या शिर्डीतील वास्तव्यमुळे आहे. श्री साई चरित्रच्या सतराव्या अध्यायात हेमाडपंतांनी गुरुचे महत्त्व सांगितले आहे. “उत्तम शास्त्राचे श्रवण व पूजन नित्य करावे, विश्वास पूर्व सद्गुरु वचन पाळावे आणि सदा सावध राहून आपले ध्येय लक्षात ठेवून लोक आपल्या उद्धाराचा मार्ग निवडतात. त्यांच्या उपदेशाने असंख्य लोकांचा उद्धार होतो आणि त्यांचा मोक्षाचा मार्ग सुलभ होतो,” असे हेमाडपंत सांगतात.