मुंबई : कार्तिक महिन्यातील शुक्ल पक्षाच्या द्वादशी तिथीला भगवान विष्णूचे अवतार भगवान शाळीग्राम आणि माता तुळशी यांचा विवाह लावला जातो. पण, महाराष्ट्रात बऱ्याच ठिकाणी तुळशी विवाहासाठी श्रीकृष्णाची मूर्ती तुळशीत ठेवली जाते. तुळशी विवाहाला विशेष महत्त्व आहे. कारण याच दिवसापासून मागील चार महिन्यांपासून थांबलेली सर्व शुभ-मांगलिक कार्ये पुन्हा सुरू होतात. आज 2 नोव्हेंबर रोजी तुळशी विवाह साजरा केला जात आहे. संपूर्ण विधी-विधानाने आणि रितीरिवाजांनुसार तुळशीजींचा विवाह संपन्न केल्यानं जीवनात सुख-समृद्धी वाढते, घरात आनंद येतो आणि वैवाहिक जीवन सुखी होते, अशी धार्मिक श्रद्धा आहे.