Shri Ram Jyoti: संध्याकाळी दिव्यांनी उजळेल संपूर्ण भारत देश! घरी अशा पद्धतीनं प्रज्वलित करा रामज्योती

नवी दिल्ली, 22 जानेवारी : अयोध्येतील भव्य राम मंदिरात आज दुपारी मृगाशिरा नक्षत्र आणि अभिजीत मुहूर्तावर रामललाची प्राणप्रतिष्ठापना केली जाणार आहे. या शुभ प्रसंगी आज देशभरात दिवाळी साजरी होणार आहे. त्रेतायुगात प्रभु श्रीराम लंका जिंकून माता सीता, बंधू लक्ष्मण, वीर हनुमान इत्यादींसह अयोध्येला पोहोचले होते. तेव्हा प्रत्येक घरा-घरात आनंदानं दिवे प्रज्वलित करण्यात आले. आज पुन्हा एकदा अयोध्येमध्ये उत्सव साजरा होत असून संपूर्ण देश रामाचा जयघोष करत आहे. प्रत्येक घर राममय झाले आहे. दुपारी प्राण प्रतिष्ठापना झाल्यानंतर श्री रामज्योती प्रज्वलित होईल. श्री रामज्योती कधी-कशी प्रज्वलित करावी याविषयी तिरुपतीचे ज्योतिषी डॉ. कृष्णकुमार भार्गव सांगत आहेत.