Trending:

Janmashtami 2024: जन्माष्टमीला श्रावण सोमवार! अशी करा बाळकृष्णाची पूजा, तिथी, मुहूर्त, मंत्र-नैवेद्य

Published by:Ramesh Patil

Last Updated:August 20, 2024 7:55 PM IST

Janmashtami 2024: पुरी येथील केंद्रीय संस्कृत विद्यापीठाचे ज्योतिषी डॉ. गणेश मिश्रा यांच्याकडून जाणून घेऊया, यावर्षी जन्माष्टमी कधी आहे? जन्माष्टमीची शुभ मुहूर्त, मंत्र, नैवेद्य इत्यादी..

इम्पॅक्ट शॉटतुमचा गेटवे लेटेस्ट न्यूज

मुंबई : श्रीकृष्णाच्या जयंतीनिमित्त जन्माष्टमी हा पवित्र सण साजरा केला जातो. पौराणिक कथेनुसार द्वापार युगात श्रावण महिन्यातील कृष्ण पक्षातील अष्टमी तिथीला रोहिणी नक्षत्रावर भगवान श्रीकृष्णाचा जन्म झाला, त्यावेळी वृषभ राशीत चंद्र होता. त्यामुळे दरवर्षी श्रावण कृष्ण अष्टमी तिथीला जन्माष्टमीचा उत्सव साजरा केला जातो. त्या दिवशी उपवास करून मध्यरात्री बाळ-गोपाळाची जयंती साजरी केली जाते. पुरी येथील केंद्रीय संस्कृत विद्यापीठाचे ज्योतिषी डॉ. गणेश मिश्रा यांच्याकडून जाणून घेऊया, यावर्षी जन्माष्टमी कधी आहे? जन्माष्टमीची शुभ मुहूर्त, मंत्र, नैवेद्य इत्यादी..

जन्माष्टमी 2024 कधी आहे?

वैदिक दिनदर्शिकेच्या आधारे पाहिल्यास, या वर्षी श्रावण कृष्ण अष्टमी तिथी 26 ऑगस्ट रोजी पहाटे 3.39 वाजता सुरू होईल. ही तिथी 27 ऑगस्ट रोजी पहाटे 2:19 वाजता संपेल. अशा स्थितीत उदयतिथीच्या मान्यतेनुसार सोमवार, 26 ऑगस्ट रोजी जन्माष्टमी आहे.

जन्माष्टमी 2024 मुहूर्त -

सोमवार, 26 ऑगस्ट रोजी जन्माष्टमीचा मुहूर्त रात्री 12:01 ते 12:45 पर्यंत आहे. हा निशिता मुहूर्त आहे. बाळ-गोपाळाच्या जन्मोत्सवासाठी शुभ मुहूर्त 45 मिनिटांचा आहे. दिवसभर उपवास ठेवावा त्यानंतर रात्री भगवान श्रीकृष्णाचा जन्म सोहळा होईल.

जन्माष्टमी 2024 पूजा मंत्र -

जन्माष्टमीला भगवान श्रीकृष्णाची पूजा करताना आपण दोन मंत्रांचे पठण करू शकता. हे मंत्र खाली दिले आहेत.

1. ओम नमो भगवते वासुदेवाय ।

2. ओम कृष्णाय वासुदेवाय गोविंदाय नमो नमः।

सर्वार्थ सिद्धी योगात जन्माष्टमी -

यावर्षी जन्माष्टमीच्या दिवशी सर्वार्थ सिद्धी योग तयार होत आहे. जन्माष्टमीचा सर्वार्थ सिद्धी योग दुपारी 03:55 पासून सुरू होईल आणि 27 ऑगस्ट रोजी पहाटे 5:57 पर्यंत चालेल. अशा स्थितीत सर्वार्थ सिद्धी योगात जन्माष्टमी साजरी होणार आहे.

Numerology: 2024 संपेपर्यंत नो टेन्शन! या जन्मतारखांचे लोक भरभरून कमाई करणार

जन्माष्टमीचा नैवेद्य -

श्रीकृष्णाला लोणी सर्वात प्रिय आहे. जन्माष्टमीच्या दिवशी श्रीकृष्णाला लोणी आणि साखरेचा नैवेद्य दाखवावा. याशिवाय केशर दूध, पेडा, खीर, रबडी, रसगुल्ला, लाडू इत्यादी पदार्थ अर्पण करू शकता.

जन्माष्टमीचे महत्त्व -

या दिवशी भगवान श्रीकृष्णाचा जन्म झाला, म्हणून जन्माष्टमीला महत्त्व आहे. याशिवाय अपत्यहीन जोडप्यांसाठी जन्माष्टमीचा सण खूप महत्त्वाचा आहे. जे निपुत्रिक आहेत त्यांनी जन्माष्टमीचे व्रत ठेवावे आणि बाळ गोपाळाची पूजा करावी, असे मानले जाते. बाळकृष्णाच्या कृपेनं त्या व्यक्तीला मूल होऊ शकते.

संकटांना पुरून उरणार, शनी आहे साथीला! या 4 राशींना सुखाचा दिवस, धनलाभ

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)

view comments

Location :

Mumbai,Maharashtra

First Published :

August 20, 2024 7:55 PM IST

Janmashtami 2024: जन्माष्टमीला श्रावण सोमवार! अशी करा बाळकृष्णाची पूजा, तिथी, मुहूर्त, मंत्र-नैवेद्य