Marriage: एकाच गोत्रात लग्न केलं तर काय होतं; रक्ताचं नातं पुन्हा जुळतं? धार्मिक आणि वैज्ञानिक कारणं

मुंबई : आपल्याकडील कुटुंब व्यवस्थेमध्ये विवाहाला खूप महत्त्व आहे. भारतातील सामाजिक रचनेचा तो पाया आहे. सनातन धर्मात विवाह हा केवळ दोन व्यक्तींचा किंवा कुटुंबांचा मेळ नसून, तो आयुष्यातील एक महत्त्वाचा संस्कार मानला जातो. विवाहादरम्यान अनेक परंपरा पाळल्या जातात, त्यापैकी गोत्राचा नियम सर्वात महत्त्वाचा आहे. तुम्ही अनेकदा घरातील मोठ्या माणसांकडून ऐकले असेल की एकाच गोत्रात विवाह करू नये. आताच्या नवीन पिढीला असा प्रश्न पडतो की एकाच गोत्रात विवाह का करू नये, केल्यास काय होते. या प्रश्नाचे धार्मिक आणि वैज्ञानिक पैलू सोप्या भाषेत आपण जाणून घेणार आहोत.