2026 मध्ये पहिलं चंद्र ग्रहण कधी? 'या' वेळेत सुरू होणार सुतक काळ, ग्रहणकाळात पाळावे लागणार कडक नियम!

हे ग्रहण विशेष असण्याचे मुख्य कारण म्हणजे हे 'पूर्ण' चंद्रग्रहण आहे, ज्यामध्ये चंद्र पृथ्वीच्या सावलीत पूर्णपणे झाकला जातो आणि त्याला लालसर छटा प्राप्त होते. मार्च महिन्यात होणाऱ्या या ग्रहणावेळी चंद्र सिंह राशीत असणार आहे, ज्याचा परिणाम सर्व 12 राशींवर होणार आहे.

वर्षातील या पहिल्या चंद्रग्रहणाची सुरुवात 3 मार्चला संध्याकाळी उशिरा होईल. शास्त्रानुसार चंद्रग्रहणाचा सूतक काळ ग्रहण सुरू होण्यापूर्वी 9 तास आधी लागतो. या काळात मंदिरांचे दरवाजे बंद ठेवले जातात आणि कोणतेही मंगल कार्य केले जात नाही.

शास्त्रांमध्ये, ग्रहणाच्या आधीच्या काळाला सुतक काळ म्हणतात. या काळात मंदिराचे दरवाजे बंद ठेवले जातात आणि कोणतीही प्रार्थना केली जात नाही. असे मानले जाते की ग्रहणाच्या वेळी दैवी शक्ती सक्रिय नसतात. या काळात केलेल्या उपासनेचे कोणतेही फळ मिळत नाही. ग्रहण संपल्यानंतर, स्नान, दान आणि शुद्धीकरण यांना विशेष महत्त्व आहे.

1. भोजन करणे टाळा: शास्त्रात सांगितल्यानुसार, ग्रहण काळात अन्नावर नकारात्मक किरणांचा प्रभाव पडतो. त्यामुळे ग्रहण सुरू असताना जेवण करणे टाळावे.