प्रेमानंद महाराजांची प्रकृती पुन्हा बिघडली; आश्रमातून आली मोठी अपडेट, आता भाविकांना आता रात्री 2 वाजता दर्शन घेता येणार नाही

प्रेमानंद महाराज वृंदावनमधील आपल्या निवासस्थानातून पहाटे २ वाजता पदयात्रा करत श्री हित राधा केली कुंज येथे जात असतात. या वेळी रस्त्याच्या दोन्ही बाजूंनी लाखो भक्त उभे राहून त्यांच्या दर्शनाची प्रतीक्षा करत असत. भक्तसंख्येत सतत वाढ होत होती आणि हीच वाढलेली गर्दी देखील पदयात्रा थांबवण्याचे एक कारण असल्याचे सांगितले जात आहे. 'भजनमार्ग ऑफिशियल' या इंस्टाग्राम अकाउंटवर ही माहिती देण्यात आली आहे. या पोस्टनंतर भक्त प्रेमानंद महाराज यांच्या लवकर बरे होण्यासाठी प्रार्थना करत आहेत.

संत प्रेमानंद महाराज यांच्या दोन्ही किडन्या अनेक वर्षांपूर्वी निकामी झाल्या असून ते सध्या डायलिसिसवर आहेत. एका भक्ताने विचारलेल्या प्रश्नाला उत्तर देताना त्यांनी सांगितले होते की, त्यांना किडनीच्या समस्येमुळे जास्त पाणी पिण्याचीही परवानगी नाही. डॉक्टर प्रत्येक आठवड्यात त्यांचे डायलिसिस करतात आणि आवश्यक उपचार देतात. प्रेमानंद महाराज यांना भेटण्यासाठी लाखो भक्त वृंदावनमध्ये पोहोचतात आणि रात्रीपासूनच रस्त्याच्या कडेला उभे राहून त्यांच्या दर्शनाची आतुरतेने वाट पाहतात. मात्र, आता भक्तांना त्यांच्या पदयात्रेत दर्शन घेता येणार नाही.