Shravan Somwar: श्रावणातला तिसरा सोमवार, महादेवाला कोणती शिवामूठ वाहावी? संपूर्ण माहिती

मुंबई: श्रावण महिना हा देवदेवांचा महिना म्हणून प्राचीन काळापासून ओळखला जातो. या महिन्यातील प्रत्येक सोमवार हा भगवान शिवशंकराच्या पूजेसाठी विशेष मानला जातो. पारंपरिक श्रद्धेनुसार श्रावणातील चारही सोमवारी विशिष्ट शिवामूठ अर्पण करतो. पहिल्या सोमवारी तांदळाचे, दुसऱ्या सोमवारी तिळाचे आणि तिसऱ्या सोमवारी मुगाचे शिवामूठ अर्पण करण्याची प्रथा आहे. 11 ऑगस्ट 2025 रोजी श्रावणातील तिसरा सोमवार आहे. या सोमवारची शिवामूठ मूग असून याचे महत्त्व आदित्य जोशी गुरुजी यांनी सांगितलं आहे.