स्वप्नात सर्पदंश होणं, सापाने फणा काढणं, हे अत्यंत शुभ संकेत असतात; अजिबात घाबरू नये...

देवघर : झोपेत स्वप्न पडणं ही अगदी सामान्य बाब आहे. काही स्वप्न सुखावणारी असतात, तर काही स्वप्न धडकी भरवणारी असतात. अनेकदा आपल्याला स्वप्नात साप दिसतो आणि आपली झोपच उडते. मग आजूबाजूचा बिछानाही आपल्याला सापच वाटू लागतो. तुम्हाला माहितीये का, प्रत्येक स्वप्नामागे काहीतरी अर्थ दडलेला असतो असं ज्योतिषशास्त्र सांगतं. मग अशाप्रकारे साप दिसण्यामागे नेमका काय अर्थ असेल बरं? सविस्तरपणे जाणून घेऊया.

साप हा सर्वात विषारी प्राणी मानला जातो, त्यामुळे त्याला बघून कितीही धाडसी व्यक्ती असली तरी ती दचकतेच. म्हणजेच स्वप्नात साप दिसण्याचा अर्थही अशुभ होतो. आपल्यासोबत काहीतरी भयंकर घडणार आहे, याचा हा संकेत असतो. सापाला ज्योतिषशास्त्रात 'काळ' म्हणतात. म्हणजेच तो स्वप्नात दिसणं हा आपल्या मृत्यूचा संकेत असतो. तर, याउलट सापाला पितृसुद्धा म्हणतात. त्यामुळे त्याचं स्वप्न पडण्याचा अर्थ हा आपल्या आयुष्यात धनाचं आगमन होणार आहे, असाही होतो. मग हा नेमका फरक ओळखायचा कसा?

हेही वाचा : पैसाच पैसा! शुक्र-सूर्य आणणार राजयोग, 3 राशींचं नशीब पालटेल; बँक बॅलन्स वाढेल

झारखंडमधील देवघरचे प्रसिद्ध ज्योतिषी पंडित नंदकिशोर मुद्गल सांगतात की, एखाद्या व्यक्तीला स्वप्नात साप दिसणं म्हणजे त्याच्यासोबत काहीतरी वाईट घडणार असतं. परंतु यात चांगली बाब अशी आहे की, संकेत मिळाल्याने आपण कोणत्याही वाईट प्रसंगाला सामोरं जाण्यासाठी तयार राहतो.