पुण्य कमवण्यासाठी सापाला दूध पाजता? हे आहे पाप, खरं कळलं तर बसेल धक्का!

अनेकजण म्हणतात, साप दूध पितो, परंतु विज्ञान सांगतं की, ही केवळ एक अंधश्रद्धा आहे. जीव शास्त्रज्ज्ञ सांगतात, साप दूध पितच नाही.

विज्ञानानुसार, साप हा मांसाहारी जीव आहे, जो बेडूक, उंदीर, पक्षांची अंडी आणि इतर जीवांचा मांस खातो, पण कधीच आवडीने दूध पित नाही.

काही शास्त्रज्ज्ञांच्या मते, जेव्हा साप खूप भुकेलेला, तहानलेला असतो तेव्हाच तो समोर दूध आलं तर ते पितो. परंतु हे दूध त्याच्या फुप्फुसांमध्ये जाताच त्याला निमोनिया होतो. यामुळे सापाचा मृत्यूही होऊ शकतो. म्हणून कधीच सापाला दूध पाजू नये.

जर खरोखर दुधामुळे साप आजारी पडत असेल तर पुण्य कमवण्याच्या नादात त्याला मारल्याचं पाप आपल्या माथ्यावर चढू शकतं.

वन्यजीव संरक्षण अधिनियम 1972नुसार, सापाला पकडणं, मारणं, डब्यात बंद करणं, त्याचं विष काढणं, त्याला जखमी करणं, हे कायदेशीर गुन्हे आहेत. यासाठी 3 वर्षांचा तुरुंगवास आणि 25 हजार रुपयांचा दंड होऊ शकतो. त्यांनंतरही त्या व्यक्तीने सापाला पकडलं तर तिला 7 वर्षांचा तुरुंगवास होईल आणि पुन्हा 25 हजार रुपयांचा दंड भरावा लागू शकतो.