Surya grahan 2023 : कधी आहे या वर्षातलं दुसरं सूर्यग्रहण? सूतक काळ नोंदवून घ्या!

ज्योतिषशास्त्रात सूर्यग्रहण आणि चंद्रग्रहण यासारख्या घटना महत्त्वाच्या मानल्या जातात. जेव्हा सूर्य आणि पृथ्वीच्या मधून चंद्र जातो तेव्हा सूर्यग्रहण होतं. चंद्राच्या अडथळ्यामुळे सूर्यप्रकाश पृथ्वीवर पोहोचत नाही आणि आपण ही स्थिती सूर्यग्रहण म्हणून पाहतो. सूर्यग्रहणाच्या काळात चंद्राची सावली पृथ्वीवर पडते. जर चंद्रामुळे सूर्य पूर्णपणे झाकलेला दिसला तर खग्रास सूर्यग्रहण म्हणतात. जर चंद्रामुळे सूर्याचा फक्त काही व्यापला गेला असेल तर त्याला खंडग्रास सूर्यग्रहण म्हणतात. 14 ऑक्टोबरला होणारं सूर्यग्रहण हे कंकणाकृती असेल. ज्यामध्ये चंद्र सूर्याला पूर्णपणे झाकून टाकणार नाही आणि सूर्याचा बाह्य भाग कंकणासारखा दिसेल.