108 परिक्रमांनी होते इच्छापूर्ती, महाराष्ट्रातील हे गणेश मंदिर माहितीये का?

वर्धा जिल्ह्याच्या आर्वी तालुक्यात गणपती वार्डमध्ये असलेल्या गणपती मंदिराचा इतिहास तब्बल 207 वर्ष जुना आहे. तेव्हाच्या काळात या भागामध्ये तूप आणि लोण्याची मोठी बाजारपेठ होती. दुग्ध व्यावसायिक आपलं तूप आणि लोणी विकण्यासाठी या बाजारपेठेत यायचे. त्यांच्याजवळ असलेलं तूप, लोणी प्रथम गणपतीची सोंड आणि चरणावर अर्पण करायचे, असे येथील भाविक सांगतात. विशेष म्हणजे 207 वर्ष जुन्या गणपती मूर्तीची सोंड उजव्या बाजूला आहे.